Mombe dzinodarika zviuru gumi kana kuti 10, 000 dzafa kuMatabeleland South nekuda kwekusanaya zvakanaka kwemvura.
Nyanzvi munyaya dzezvezvipfuyo dzinoti kukasanaya mvura mumasvondo mashoma anotevera huwandu hwemombe dziri kufa hunogona kutowedzera.
Munyori mukuru mubazi rezvekurima VaObert Jiri vanoti mombe mamiriyoni maviri nezviuru mazana masere kana 2,8 million dzinogona kufa nenzara kana kukasanaya.
Nyika yose ine mombe dzinodarika mamiriyoni mashanu nezviuru zvitanhatu kana kuti 5,6 million.
Munyori mukuru mubazi reAgricultural Rural Development Authority (Arda) VaIvan Craig vaudza Studio 7 kuti varimi vaomerwa vikuru kuMatabeleland.
Vakurudzira varimi kuti vatengese mombe kana mbiri mvura ichiri kunaya kuti vakwanise kutenga chikafu kana ikazoramba kuturuka.
Your browser doesn’t support HTML5
Hurukuro naVaIvan Craig