Dare ramejastiriti muHarare rabata mutungamiri wechimwe chikwata chebato rinopikisa reCitizens Coalition for Change VaJameson Timba nevamwe makumi matatu nevaviri vaine mhosva yekuita gungano vasina kupihwa mvumo nemapurisa apo vakasungwa musi wa16 Chikumi kuavondale muHarare.
Asi vamwe vange vari muhusungwa makumi maviri nevasere vawanikwa vasina mhosva.
Mutauriri wechikwata cheCCC chinotungamirwa naVaTimba, VaPromise Mkwananzi vaudza Studio 7 kuti vematare emunyika akarerekera divi rimwe chete. Vati vachaenda kudare repamusoro kunopikisa mutongo uyu.
Asi gurukota rinoona nezvemitemo VaZiyambi Ziyambi vanoramba kuti hurumende inopindira mune zvinenge zvichiitika kumatare. Vati mutungamiri wenyika VaEmmerson Mnangagwa vanoda kuti matare ange akazvimirira oga.
Your browser doesn’t support HTML5
Mashoko aVaZiyambi Ziyambi