Vamwe varimi vanoti vari kufara nezvisungo zvakabuda mumusangano wekuzeya nezvemagwaro ekuti vave varidzi veminda, kana kuti Title Deeds, ayo anonzi ari kuronga kupihwa kuvarimi vakagariswa mumapurazi pasi pechirongwa chekugovera ivhu patsva icho chakaitwa nehurumende kubva muna 2000.
Mutungamiri wenyika VaEmmerson Mnangagwa vakaumba komiti iri kufambisa hurongwa uhwu, uho hunoda kuti vane magwaro ema Offer Letter, ma 99 Year Lease, kana mapemiti vapihwe mukana wekutenga mapurazi avakapihwa aya nemitengo iri pasi pasi.
Vanoongorora nyaya dzekurima vari mukokeri wesangano reZimbabwe Agricultural Think Tank, VaFrank Kubvakacha, vanoti hurongwa uhu hwakanakira varimi chose nekuti hunovabatsira kuzowanawo mukana wekukwereta mari kumabhanga, izvo zvavanoti zvichavabatsira kurima kwavo kuti kuvandudzike.
Your browser doesn’t support HTML5
Hurukuro Na VaFrank Kubvakacha