Mutumbi wevaimbova mutungamiri wenyika yeAmerica VaJimmy Carter wasvika muWashington DC nhasi kubva kudunhu ravakaberekerwa reGeorgia.
VaCarter vakashaya musi wa 29 Zvita kuGeorgia vave nemakore zana. Ndivo mutungamiri weAmerica akararama kudarika vamwe vose.
Mutumbi wavo waendeswa kudare reparamende reCapitol Hill uko vanhu vari kuenda kunowonekana nawo.
Mutevedzeri wemutungamiri wenyika yeAmerica Amai Kamala Harris vati mufi aive munhu aive nechipo chekutungamira uye aizvininipisa.
Muwongorori wenyaya dzezvematongerwo enyika uye vachishanda nesangano reConcerned Citizens Zimbabwe VaTim Muringai vanoti mabasa akabatwa naVaCarter vachiri kurarama anga akakosha uye akavapa chiremerera pasi rose.
Your browser doesn’t support HTML5
Hurukuro naVaTim Muringai