Mutungamiri we nyika yeamerica, Va Donald Trump, vari kutarisirwa kushanyira muganhu we America neMexico svondo rino panguva iyo pasati pave nechiyedza chekuti bato rinopikisa reDemocratic Party richawirirana here nebato ravo reRepublican Party kuti vavhure mamwe mapazi ehurumende, ayo asvika muzuva rechi gumi nesere akavharwa.
Va Trump vaudza vatori venhau kuti vanogona kushandisa masimba avo ekuisa ekumbosendeka bumbiro remitemo parutivi – kana kuti national Emergency nekuda kwekusawirirana kwavepo nenyaya yemari yekuvaka mudhuri kumuganhu wenyika mbiri idzi yavari kuda.
Chizvarwa cheZimbabwe chinoshanda nemasangano anorwira kodzero dzevanhu nezvematongerweo enyika, VaCharles Mutama, avo vanogara mu Maryland, vanoti mashandiro ehurumende yekuAmerica haangashandi kuZimbabwe kana pasati paitwa shanduko mumatongerwo enyika muZimbabwe.
Your browser doesn’t support HTML5
Hurukuro naVaCharles Mutama