Dynamos inoti yava kushandisa National Sports Stadium pamitambo yayo yese sezvo isiri kufaro nemari zhinji dzairi kubhadhariswa neHarare City Council.
Murairidzi wechikwata che De Mbare, VaElvis “Chuchu” Chiweshe, vanoti kanzuru inobata zvikamu makumi maviri kubva muzana zvemari inobhadharwa pamagedhi kana vachishandisa nhandare yeRufaro. Vanoti izvi zvinoita kuti vasare nemari shoma zvikuru.
VaChiweshe vanoti National Sports Stadium ndeye hurumende, uye haidhuri zvakanyanya, izvo zvapa kuti vatore danho iri.
Mune dzimwe nyaya dzemitambo, chikwata cheCaps United chasvika munyika neMuvhuro chichibva kuSouth Africa uko chakakunda chikwata cheMoroka Swallows 1-0 neSvondo pamumutambo we CAF Confederation Cup.
Mutambo uyu wakatambirwa kunhandare ye Rand Stadium muSouth Africa makare.
Nyasha Mushekwi weCaps United ndiye akanwisa chibodzwa chimwe chete muchikamu chekutanga papera maminetsi makumi maviri nematanhatu.