Zimbabwe nhasi yabatana nedzimwe nyika mukucherechedza zuva rekuyemura nekutenda mabasa anoitwa nevanamai kana kuti Mother’s Day.
Vamwe vana vaendesera ana amai vavo maruva nekuvatengera zvipo. Asi vamwe vange vachienda kumisha inochengetwa nherera kunobatsira vanhu vanoita basa guru rekuchengeta vana vasina vabereki ava vamwe vanotoitawo zvekuraswa.
Vamwe vanochengeta nherera mumusha wevazhinji weMufakose ndiAmbuya Winnet Gwanzura vaudza Studio 7 kuti kunyangwe zviome sei vanamai havafanire kurasa vana vachiti, "chirere nhasi mangwana chinozokurerawo."
Gogo Ganzura vanoti vafara nemabhuku uye mabhenji ekugarira avapihwa nesangano reBig Brother, Big Sister rine nhengo dzavashanyira pazuva ravanaAmai iri.
Zuva raanaAmai rinocherechedzwa musi wa 12 Chivabvu gore roga roga.
Your browser doesn’t support HTML5
Hurukuro naAmbuya Winnet Gwanzura