Nhepfenyuro ye Zimbabwe Broadcasting Corporation inonzi haisi kuteerera mashoko akataurwa nedare remakurukota neChipiri ekuti imise kuridza mimhanzi kana kuti ma jingles anorumbidza mutungamiri wenyika, Va Robert Mugabe, nebato ravo re ZANU-PF.
Dare remakurukota rakazeya neChipiri nyaya yetumimhanzi utwu, rikaona tusina kukodzera zvikuru.
Mutevedzeri wegurukota rinowona nezvekuburitswa kwemashoko, Va Murisi Zwizwai, vanoti vaita musangano nemunyori webazi ravo, Va George Charamba, kuti vaone kumisa kuridzwa kwetwumanzi utwu nekuti ZBC ichingori kutwuridza.