Nyaya yekunyorwa kwebumbiro idzva remitero yenyika yambosendekwa parutivi nenyaya yegakava rinotyisa pakati pehurumende nevari kupa rubatsiro kuburikidza neboka reUNDP muHarare.
Zvinonzi UNDP haisi kunyatsofara nemafambisirwo ari kuitwa hurongwa hwekunyorwa kwebumbiro remitemo.
Asi bato reZanu-PF rinoti masangano anopa rubatsiro aya ave kuda kuisa maoko awo akasviba mukunyorwa kwebumbiro iri.
Mumwe wemasachigaro ekomiti yeparamende iri kuona nezvekunyorwa kwebumbiro idzva remitemo, VaPaul Mangwana, vakamirira Zanu-PF, vanoti ichokwadi kuti vambomisa chirongwa ichi sezvo paine kusawirirana nevari kubatsira nemari muchirongwa ichi.
VaTapuwa Mudambanuki ndivo Executive Director veAfrican Centre for Law and Justice. VaMudambanuki vanoti panofanirwa kuva nemushandira pamwe mukunyora bumbiro idzva remitemo yenyika.