Mukuru wesangano revatungamiri vemabhizimisi kana kuti CEO Africa Roundtable, VaOswell Binha, vanoti dambudziko rekushomeka kwemafuta ekufambisa dzimotokari rave kukanganisa zvakanyanya nyaya dzekuita mabhizimisi sezvo vave kupedza nguva yakawandisa vachitsvaga mafuta kumagaraji.
Vedzimotokari vataura neStudio7 vati havasi kubvumidzwa kutenga mafuta edzimotokari akawanda panguva imwe chete. Vamwe vapomerawo vemagarajia nyaya yekuita zvehuori nekuda chiokomuhomwe.
Gurukota rezvemhando dzemoto, Doctor Joram Gumbo, vanoti bazi ravo riri kutatarika kuwana mari yekunze kubva kubhanga guru renyika kuti vatenge mafuta aya.
Gavhuna weRBZ, VaJohn Mangudya, vanotiwo mari yacho yawandirwa sezvo pachidawo kutengwa zvimwe zvakaita semishonga yemuzvipatara nezvimwe asi muhomwe yehurumende iri nhava izere mhepo.