Mandla "Malax" Katuli uyo akaimba kambo kanonzi Wakanda naRoki anoti ari kufara zvikuru nekutambirwa kuri kuitwa kambo aka nevanhu.
Kambo aka kanotora zita kubva pafirimu rakaita mukurumbira zvikuru pasi rose gore rapera rinonzi Black Panther rinotaura nezvenyika yemuAfrica yegudziramukanwa hayo inonzi “Wakanda.”
Malax na Roki
Malax anoimba nechikwata cheAfroblacks uye akatoburitsa mamwe madambarefu matatu. Gore rino anoti anoda kuburitsa dambarefu nevaimbi vakawanda vanosanganisa Seh Calaz, Sani Makhalima, Ngoni Kambarami, Willis Wataffi, Garry Tight nevamwe.
Malax akaburitsawo vhidhiyo inonzi Song yeKudonha apo akaimba neShona kambo kaKing Monada kakanetsawo gore rapera kanonzi Malwedhe Idibala.
Your browser doesn’t support HTML5
Hurukuro neMuimbi Malax