Vane ruzivo nezviri kuitika mubato reMDC inotungamirirwa naVaMorgan Tsavngairia vanoti Standing Committee yebato iri yasangana muHarare ikazeya nyaya dzinosanganisira yaVaRoy Bennett, iyo yoramba iri mumatare edzimhosva sendiro yemari yeroora, pamwe nezvimwe zviri kunetsa muhurumende yemubatanidzwa, uye nyaya yebumbiro remitemo yenyika iro riri kuda kunyorwa patsva.
NeMugovera National Executive yebato iri, iri kutarisirwa kusangana zvakare muHarare kuti izeye nyaya dzimwechetedzo.
Bato reZanu PF rakatsamwisa zvikuru bato reMDC mushure mekuzivisa kuti hurumende, ichapikisa mutongo wakapiwa nedare repamusoro panyaya yaVaBennett.
VaBennett vakachenurwa nedare repamusoro panyaya yavaipomerwa yekuda kupidigura kubva pachigaro mutungamiri wenyika VaRobert Mugabe, pasati paumbwa hurumende yemushandirapamwe.
Mutauriri weMDC inotungamirirwa naVaTsvangairai, VaNelson Chamisa, vaudza Studio 7 kuti bato ravo richatora mukana uyu kugadzirisawo zviri kunetsa mubato ravo.