WASHINGTON DC —
MDC inotungamirwa naVaNelson Chamisa iri kuita musangano wayo wekupedzisira gore rino nemusi weSvondo kwaMutare.
VaChamisa vari kutarisirwa kutaura pamusangano uyu nenguva dza 12 masikati.
Murongi wemisangano mubato iri, VaAmos Chibaya, vanoti musangano wavo uchapindwa nevanhu vanobva kumativi mana ose enyika vachinzwa mutungamiri wavo achitaura.
VaChibaya vanoti musangano wavo wakazoviswa kumapurisa sezvinodiwa nemitemo yenyika kuburikidza nemutemo weMaintenace of Peace and Order Act.
Musangano uyu unoitwa zuva rimwe chete mushure mekunge Zanu PF yapedzawo musangano wayo wepagore wakaitirwa kuGoromonzi.
Your browser doesn’t support HTML5
Hurukuro naVaAmos Chibaya