Misoro yeNhau dzaNhasi, Muvhuro, Chivabvu 24, 2021
Ishe Zvimba vanonzi vaudza mhuri yamushakabvu Robert Mugabe kuti vavafukunure vonovaviga paHeroes Acre mukati memazuva makumi matatu anotevera vachiti kuvigwa pamusha kwavo kutyora tsika dzechivanhu.
Bazi rezvehutano rakazivisa nezuro kuti hapana munhu akafa nechirwere cheCovid-19.
Vana vadiki vane chirwere chemoyo vofa nekutadza kuenda kunorapwa kuItaly sezvo kufamba kwonetsa nekuda kwechirwere cheCovid-19.
Mutungamiri webazi revechidiki muMDC Alliance VaObey Sithole vopihwa mukana wekubvisa mari yechibatiso.
Vagari vekuMasvingo vokumbira kuti mari yakaiswa parutivi yekupa dunhu iri masimba ekuzvitonga ishandiswe kugadzirisa dambudziko remvura.
Mitambo yenhabvu yodzoka zvine mutsindo nemakwikwi eChibuku Super Cup
Muchirongwa cheLiveTalk na8pm tiri kutarisa nyaya yechirwere cheCovid-19 nekubayiwa kwenhomba yekuchidzivirira uye nyaya yekuti vaive mutungamir wenyika VaRobert Mugabe vafukunurwe.
Kana muchida kupinda muchirongwa ichi, kanawo kutumira mashoko kuStudio7, shandisai WhatsApp nhamba dzinoti 001 202 465 0318.
Vanoda kutererera Studio7, tibateyi na7pm pamasaisai anoti 909 am 4930; 13860, ne 15460 Kilohertz paShort Wave mazuva ose.
Munokwanisawo kunzwa Studio7 na6 am - Muvhuro kusvika Chishanu, pamasaisai anoti 909 am, 6175, 7255 Short Wave.