Gurukota rezvekurima, VaJoseph Made, vanoti ongororo yekutanga yemamiriro akaita zvirimwa nezvipfuyo yaburitsa pachena kuti nyika icharasikirwa nechibage chinosvika zvikamu gumi nerimwe kubva muzana, kana kuti 11%.
Asi VaMade vanoti vanhu havafanirwe kutyira nzara nekuti hurumende iri kuronga kutenga chikafu kubva kune dzimwe nyika.
Nyaya yekushomeka kwemvura yekunaya ndiyo iri kupa kuti nyanzvi munyaya dzezvekurima dzityire kuti nzara inogona kupfunya chisero munyika gore rino.
Matunhu ari kutarisirwa kusaita goho rakanaka anosanganisira; Matebeleland South, Midlands, Masvingo, Manicaland, Mashonaland Central neManicaland.