Hurumende pamwe nevamiriri vemakambani makumi mashanu emuZimbabwe vari muGhana uko vari kupinda musangano we Zimbabwe-Ghana Business Forum. Musangano uyo uri kutarisirwa kubatanidza hukama pakati penyika mbiri idzi munyaya dzehupfumi nekutengeserana.
Mutevedzeri wemutungamiri wehurumende, Va Arthur Mutambara, ndivo vari kutungamirira vana muzvinabhizinisi nemakurukota ehurumende ari kupinda musangano uyu.
VaMutambara vanoti Zimbabwe-Ghana Business Forum inopa mukana vana muzvinabhizimisi nehurumende dzenyika idzi kuti vashande pamwe chete mukukurudzira nyika dzavo munyaya dzehupfumi.
Vatizve izvi zvichabatsira kuti nyika dzemu Africa dzitengeserane pachezvadzo. VaMutambara vati nyika dzemu Africa dzava kutsvaga kushanda nesimba kuitira kuti vatengeserane pachadzo, zvinova zvaita kuti Zimbabwe ne Ghana dzironge musangano uyu.