Hurumende yakazivisa neMuvhuru kuti yainge yawedzera mari yemihoro yevashandi vayo nezvikamu gumi nezvishanu kubva muzana kubva pazvikamu gumi kubva muzana chete zvayainge yavimbisa vashandi vayo.
Izvi zvinotevera musangano wakaitwa nehurumende nerimwe sangano rinomirira vashandi vayo reApex Council kuburikidza nemusangano weNational Joint Negotiating Council.
Mari iyi ichawedzerwa kutanga muna Chikunguru.
Asi mamwe masangano evarairidzi akaita se Progressive Teachers Union of Zimbabwe kana kuti PTUZ ari kuramba kutambira mari iyi achiti ishoma.
Mutungamiri wePTUZ Doctor Takavafira Zhou vaudza Studio 7 kuti hurumende inobata varairidzi neseri kweruoko uye havasi kufara zvchose.
Asi vati vachambotanga vadzokera kuvarairidzi vasati vatora matanho.
Your browser doesn’t support HTML5
Hurukuro naDoctor Takavafira Zhou