Sangano rinomirira varairidzi vekumaruwa, reAmalgamated Rural Teachers Union of Zimbabwe, ARTUZ, rinoti kutanga nhasi nhengo dzaro dzichange dzave kuenda kubasa ruva rimwechete chete pamasvondo maviri sezvo dzisisakwanise kuramba dzichienda kumabasa.
Mutungamiri wesangano iri, VaObert Masaraure, vanoti kunyange hazvo hurumende yakati yawedzera vashandi vayo mari, kwavari hapana chavakawana sezvo mari iyi isina chairi kumbobatsira varairidzi, zvikuru vekumaruwa.
VaMasaraure vanoti pamusoro pekuenda kumabasa kamwechete chete pamasvondo maviri, vachange vachipindawo mumigwagwa zvakanyanya vachiratidza kunyunyuta kwavo.
Hatina kukwanisa kubata gurukota rezvevashandi muzvinafundo paul mavima kuti tinzwe divi ravo sezvo vainge vari mumusangano wetnf vachizeyawo nyaya dzemari dzemihoro idzi nevashandi nevashandirwi.
Your browser doesn’t support HTML5
Hurukuro naVaObert Masaraure