Masangano anomiririra varairidzi anoti reProgressive Teachers Union of Zimbabwe neAmalgamated Rural Teachers Union of Zimbabwe anoti panovhurwa zvikoro ari kutanga nekuramwa mabasa.
PTUZ yakabuda nechisungo icho pacongress yayo yakapera nemusi weSvondo. ARTUZ iri kuitawo kongiresi yaro kubva musi weChitatu kusvika musi weChishanu.
Mutungamiriri we sangano iri, VaObert Masaraure, vaudza Studio 7 kuti pakongiresi yavo, panenge pasina zvekusarudzwa kwevatungamiriri vesangano iri asi kusunga zvibvumirano zvenyaya dzavanoda kuendesa kuhurumende maererano nenyaya yemihoro yavo nezvimwe zvinobata varairidzi.
VaMasaraure vati sangano ravo rakabvumirana kare kuti varairidzi varo havasi kuzoenda kubasa panovhurwa zvikoro mwedzi uno.
Your browser doesn’t support HTML5
Hurukuro naVaObert Masaraure
Zvichakadaro mutungamiri werimwe sangano revarairidzi, reProgressive Teachers Union of Zimbabwe, Doctor Takavafira Zhou, vanoti naivowo havasi kuzoenda kubasa panovhurwa zvikoro kana nyaya yavo yemihoro isina kugadziriswa.
Your browser doesn’t support HTML5
Hurukuro naDoctor Takavafira Zhou
Asi gurukota rezvevashandi Muzvinafundo Paul Mavima vati hurumende iri kuziva zvichemo zvevashandi uye havafanire kuramwa mabasa sezvo iri mubishi kuyedza kuzvigadzirisa.
Your browser doesn’t support HTML5
Hurukuro naMuzvinafundo Paul Mavima