Sangano rinomirira vashandi mubazi rezvekurima, reZimbabwe Agricultural Professionals and Technical Association (ZAPTA), rinoti hurumende yakazoita musangano naro uye zvichemo zvavo zvikatambirwa.
Kwechinguva, ZAPTA, yange ichiedza kuti hurumende igadzirise zvichemo zvevashandi zvinosanganisa kuvabhadhara mari dzekubatsirikana panguva yekurwisana necoronavirus, kubatsira vadhomeni vari kure nemahofisi eCMED nemari yekuti vawane midhudhudhu yebasa uye kuti hurumende itarisise nekugadzirisa mashandiro ari kuita vanhu mubazi iri, nezvimwe.
Tatadza kubata munyori mubazi rezvekurima, VaJohn Basera, sezvo nharembozha yavo isina kudavirwa.
Munyori mukuru we ZAPTA VaZivaishe Zhou vanoti hurumende yakabvuma kubhadhara vashandi mari dzavaida uye ikavimbisa kugadzirisa zvichemo zvavo zvese.
Your browser doesn’t support HTML5
Hurukuro naVaZivaishe Zhou