Chikwata cheku Brazil che Samba Boys, chakunda chikwata cheZimbabwe Warriors 3-0 pamutambo wehushamwari watambirwa kunhandare yeNational Sports Stadium neChitatu masikati.
Mutungamiri wenyika, VaRobert Mugabe, pamwe nemutungamiri wehurumende, VaMorgan Tsvangirai, vaendawo kunoona mutambo uyu.
Chikwata cheBrazil chanwisa zvibodzwa zviviri muchikamu chekutanga, chibodzwa chekupedzisira chikaniswa muchikamu chechipiri.
Mukuru anoona nezvemakwikwi enhabvu muZIFA, Va Jonathan Musavengana, vanoti vafadzwa nekutamba kwaita maWarriors kunyange hazvo chikwata ichi chakundwa.
Mumwe mutsigiri wenhabvu, Kuda Sibanda, anotiwo afadzwa nekutamba kwaita vakomana vemaWarriors.
Chikwata cheBrazil chasimuka munyika manheru eChitatu chakananga kuSouth Africa uko chiri kugara chozoenda kunotamba neTanzania mumutambo we hushamwari neMuvhuro.
