Vatsigiri venhabvu vanoti vari kufadzwa zvikuru nekubudirira kwakaita zvikwata zveDynamos ne Caps United mumitambo yazvo yekunze kwenyika yakatambwa nemugovera neSvondo.
Kunyange hazvo Dynamos yakakundwa neGaberone United 1- 0 pamutambo wavo we CAF Champions League wakatambirwa kuBostwana neMugovera, chikwata ichi chakakwanisa kupinda muma Group Stages remakwikwi aya sezvo change chine zvibodzwa 4-1 apo zvikwata izvi zvakatamba zvese muHarare.
Caps United yakakunda chikwata che Warri Wolves chekuNigeria 2-0 pamutambo we CAF Confederation Cup wakatambwa munhandare ye Rufaro nezuro. Vatambi Nyasha Mushekwi na Leonard Tsipa ndivo vakanwisa zvibodzwa zvakabatsira chikwata ichi kuti chibudirire. Caps United yave kuenda ku chikamu chechitatu che mukombe uyu we Confederation Cup.