Mutevedzeri wemunyori mukuru weZimbabwe Congress of Trade Unions (ZCTU), VaThomas Masvingwe, vanoti kanzuru huru yeZCTU yakatara kuti masangano eAmalgamated Rural Teachers Union of Zimbabwe nereFootwear Tanners and Allied Workers Union haakwanisi kupinda mumusangano mukuru uchaitwa nemusi weChishanu, svondo rino, 29 Gumiguru.
VaMasvingwe vanoti masangano maviri aya haasi nhengo dzeZCTU nokuti mitemo yesangano revashandi iri haina kutevedzwa mukutambirwa kwavo senhengo.
Masangano maviri aya akaendesa sangano reZCTU kumatare edzimhosva achiti kongiresi yesangano iri, ichaitwa svondo rino, haifanire kuenderera mberi mushure mekunge patorwa danho rekuti masangano aya asavhote pakongiresi iyi.
Your browser doesn’t support HTML5
Hurukuro naVaThomas Masvingwe
Studio 7 haina kukwanisa kubata mutungamiri weARTUZ, VaObert Masaraure, nevamwe vari kunzi havasi nhengo dzeZCTU kuti tinzwe divi ravo.