Rimwezve bato rezvamatongerwo enyika richaparurwa zviri pamutemo svondo rinouya.
Bato iri, rinozviti National Patriotic Front, NPF, richatungamirirwa nevaimbove gurukota muhurumende yaVaRobert Mugabe.
Retired Brigadier Ambrose Mutinhiri vanga vari mumiriri weZanu PF kuMaronderwa West, asi vakazivisa neChishanu kuti vabuda muZanu PF vachiti havawirirani nehurumende yaVaEmmerson Mnangagwa, iyo yakabatsirwa nemauto kuenda panyanga.
Mutauriri webato iri, VaJealousy Mawarire, vanoti bato ravo richabudisa mazita avakuru vakuru varo panoparurwa bato iri zviripamutemo.
VaMawarire vaudza Studio7 kuti vatsigiri vavo vanoita mamirioni mashoma evanhu.
VaMutinhiri vanoti vakasangana neVaMugabe neSvondo vachivazivisa nezvebatoi ravo idzva.
VaMawarire vanoti VaMugabe vakaratidza kutsigira danho rakatorwa naVaMutinhiri.
Your browser doesn’t support HTML5
Hurukuro naVaJealousy Mawarire