Sangano rinomiririra varairidzi vekumaruwa, reAmalgamated Rural Teachers Union of Zimbabwe, (ARTUZ) rashora hurumende richiti mangwana (Chishanu) harifanirwi kuve zuva rezororo, kana kuti ‘holiday’.
Mutungamiriri weARTUZ, VaObert Masaraure, vaudza Studio 7 kuti vana vechikoro vari pakati pekunyora bvunzo naizvozvo hurumende yaifanira kupa vana ava mukana wekunyora bvunzo pasina zvinovakanganisa.
Vati hurumende irikushandisa vana vechikoro, varairidzi neruzhinji rwevanhu mukurwa hondo yadzo yezvematongerwo enyika.
Asi VaMasaraure vati zuva rezororo izuva rezororo kuvanhu vose, kusanganisira varairidzi avo vavanoti vanofanirwa kubhadharwa mari inoenderana nekushanda pazuva rezororo sezvinodiwa nebumbiro remutemo.
Your browser doesn’t support HTML5
Hurukuro naVaObert Masaraure