Sangano revadzidzisi vekumaruwa reAmalgamated Rural Teachers Union of Zimbabwe, ARTUZ, rinoti gweta ravo, VaDoug Coltart, vachaendesa mapepa kudare redzimhosva neChishanu vachikumbira dare iri kuti rikomekedze mapato ezvematongerwo enyika kuti asashandise vana vechikoro kupinda mumisanagano yezvematongerwo enyika.
Mutungamiri weARTUZ, VaObert Masaraure, vanoti zvimwe zvavanoda kumisa kushandiswa kwezvinhu zvechikoro uye kumisa kupindira kwemapato ezvematongerwo enyika munyaya dzedzidzo pazvikoro.
“Tiri kuenda kumatare edzimhosva kuti arambidze mapato ezvemetongerwo enyika kuti asashandise zvinhu zvepazvikoro; chechipiri tinokumbira kuti arambidze kushandiswa kwevana kuenda kumisangano yezvematongerwo enyika kana vasina kupiwa mvumo nevabereki vavo,” VaMasaraure vakaudza Studio 7.
“Chechitatu tinoda kuti dare rirambidze mapato kupindira mudzidzo yevana vanotorwa muzvikoro vachiendeswa kumisangano. Zvekare tinodazve kuti dare rirambidze kumbunyukidzwa kwevadzidzisi kuti vasaendeswa kunoita zvemisangano.”
Your browser doesn’t support HTML5
Hurukuro naVaObert Masaraure