Hurukuro pakati pevamiririri vehurumende nemasangano anomiririra vashandi vehurumende dzakatadza kubuda nekuwirirana panyaya yemihoro.
APEX Council, iyo inomiririra masangano evashandi vehurumende anosvika gumi nematanhatu, inoti hurumende haina chitsva chayakauya nacho kumusangano wakaitwa neMuvhuro.
Mutungamiri weAPEX Council, Muzvare Cecilia Alexander, vaudza Studio7 kuti vashandi vanoda kubhadharwa nemari yekunze kana kuti muhoro wevanotambira mari shoma ukwidzwe kubva pamazana mana ane gumi nemadhora mana, uiswe pachiuru nemazana manomwe emadhora, $1,700.
Your browser doesn’t support HTML5
Hurukuro naMuzvare Cecilia Alexander
Zvichakadaro, vanoona nezvekufambiswa kwemabasa nekubudiswa kwemashoko muProgressive Teachers Union of Zimbabwe, VaLadistos Zunde, vanoti masangano mazhinji ari kuona kuti zvinhu zvasvika pakaoma saka vachibatana muzvirongwa zvekumanikidza hurumende kuti inzwe zvichemo zvavo.
VaZunde vati sangano ravo rakagadzirira kuramwa mabasa kutanga nemusi weChina kana hurumende ikaramba isingateereri zvavari kutaura.
Your browser doesn’t support HTML5
Hurukuro naVaLadistos Zunde