WASHINGTON D.C. —
Sangano rinomirira vashandi, reZimbabwe Congress of Trade Unions (ZCTU), rinoti hurukuro dzarakaita nemapazi aro dzakabuda nechisungo chekuti paitwe kuratidzira pamwe chete nekumbomira kuenda kumabasa kana hurumende ikatadza kugadzirisa nyaya yemihoro yevanhu. Munyori mukuru weZCTU, VaJaphet Moyo, vaudza Studio 7 kuti pakatenderanwa kupa hurumende nevamabhizimisi nguva yekugadzirisa nyaya dzemihoro nekumira kwakaita zvehupfumi munyika pasati paitwa kuratidzira. VaMoyo havana kukwanisa kutiudza kuti kuratidzira uku kungaitwa rini uye kuti vanopa hurumende nguva yakadini kuti igadzirise zvinhu munyika.
Your browser doesn’t support HTML5
Hurukuro naVaJaphet Moyo