Vana chiremba vanoti vari kuenderera mberi nekuramwa mabasa sezvo hurumende iri kukundikana kugadzirisa zvichemo zvavo.
Vana chiremba ava vari kupika kuti havasi kuzodzokera kumabasa kudzamara zvichemo zvavo zvagadziriswa.
Svondo rino rave retatu vana chiremba ava vachiramwa basa zvisineyi kuti hurumeende yakati vachange vasingapihwe mari dzavo dzemihoro panguva iyo vanenge vachiramwa mabasa.
Vana chiremba ava vari kukurudzirawo gurukota rezvehutano, Dr. David Parirenyatwa, kuti vasiye basa sezvo vari kutadza kugadzirisa zviri kunetsa mubazi ravo.
Studio7 haina kukwanisa kunzwa divi rava Parirenyatwa.
Asi mutauriri we Zimbabwe Hospital Doctors Association, Dr Mxolisi Ngwenya, vanoti vari kuyambira hurumende kuti isavhunditsira vanachiremba.
Your browser doesn’t support HTML5
Hurukuro naDoctor Mxolisi Ngwenya