Kanzuru yeguta reHarare inoti mumasvondo maviri anotevera inenge yave kuwedzera mvura yakachena yainosvitsa kuvagari veguta nemagaroni anoita mamirioni makumi manomwe nemashanu.
Meya veguta reHarare, VaHerbert Gomba, vanoti kunyange zvavo vakatarisana nezvinhu zvakawanda zvinoda kugadziriswa, chinangwa chavo chikuru pari zvino ndechekusvitsa mvura yakachena yakawanda kuvagari veguta.
Vanoti matambudziko avakatarisana nawo sekanzuru anosanganisira kushaikwa kwemishonga yekuchenesa mvura, mari yekunze kwenyika, uye kugadzirisa mapombi epasi akatsemuka, asi vanoti kunyange vaine zvimhingamipinyi zvose izvi, vanotarisira kuwedzera mvura yakachena inosvika kuvanhu.
VaGomba vanotizve pombi dzinoendesa mvura kuMabvuku dzichagadziriswa nekukurumidza munguva pfupi inotevera.
Your browser doesn’t support HTML5
Hurukuro naVaHerbert Gomba