Masangano ezve makereke, kusanganisa nere vakuru vemakereke, re Zimbabwe Heads of Christian Denominations, ari kuumba gungano remasangano ari kunze kwe zvematongerwo enyika ravanoti National Convergence Platform (NCP) vaine chinangwa chekuti masangano ari kunze kwezve matongerwo enyika ataure nenzwi rimwe chete mukuedza kwavo kuuyisa nhaurirano munyika.
Mutauriri wemasangano aya, Bishop Kenneth Mtata, vaudza Studio 7 kuti National Convergence Platform ichaparurwa musi wa 13 Zvita uye ichapa masangano nevanhu vari kunze kwe zvematongerwo enyika mukana we kubatsira nepfungwa dzavo panyaya yenhaurirano munyika sezvo nguva yese iyi pange paine vanhu nemasangano akawanda anotaura pamusoro penhaurirano asi pasina gwara rimwe chete.
Your browser doesn’t support HTML5
Hurukuro naBishop Kenneth Mtata