Gweta riri kumirira mumiriri weHarare West mudare reNational Assembly, Muzvare Joanna Mamombe, pamwe nemutevedzeri wasachigaro wevechidiki muMDC Alliance, Muzvare Cecelia Chimbiri, Muzvare Roselyn Hanzi, vanoti dare repamusoro riri kutirisirwa kunzwa zvichemo zvevaviri ava zvekuti vapiwe mukana wekubvisa mari yechibatiso kuitira kuti vatongwa vachibva kudzimba dzavo.
Vaviri ava vari muhusungwa zvichitevera kunyimwa kwavo mukana wekutongwa vachibva kudzimba dzavo nedare remajesitireti.
Nyanzvi mune zvematongerwo enyika, uye vari nhengo yeZanu PF, Doctor Frenk Guni, vanoti hurumende iri kuramba ichisunga madzimai aya asi kusvik pari zvino havasati vawanikwa nematare vaine mhosva pamhosva dzavari kupomerwa.
VaGuni vanoti hurumende inofanirwa kupedza nyaya iyi nekukurumidza.
Doctor Guni vanotiwo sezvo mapurisa ari kugara akamaka Muzvare Mamombe naMuzvare Chimbiri, vaviri ava vanofanirwa kuita zvinhu zvinoita kuti vasaonekwe sevanhu vanoda kutyora mitemo nguva dzose.
Your browser doesn’t support HTML5
Hurukuro naDoctor Frenk Guni