Sangano rinorwira kodzero dzevanhu, reHuman Rights Watch, rinokurudzira hurumende kuti iwanise vanhu munyika mvura yakachena kuti vakwanise kurwisana necoronavirus.
Mugwaro rayo, Human Rights Watch inoti kushaikwa kwemvura yakachena kunogona kupamidzira ngozi yechirwere checoronavirus.
Mukuru weHuman Rights Watch kuchamhembe kwe Africa, VaDewa Mavhinga, vaudza Studio 7 kuti ongororo yavakaita muZimbabwe uye muHarare nenzvimbo dzakaipoteredza inoratidza kuti kana nyaya yemvura ikasakurumidza kugadziriswa ichakonzera dambudziko guru.
Your browser doesn’t support HTML5
Hurukuro naVaDewa Mavhinga
Asi meya weHarare, VaHerbert Gomba, vanoti hapana asingazivi kuti Harare yagara ine dambudziko remvura kubva 1990, vachiti kanzuru yeguta reHarare, pamwe chete nehurumende, vari kuedza kugadzirisa nyaya iyi.
VaGomba vanokurudzira masangano akasiyanasiyana kuti abatsire kugadzirisa zvinhu zvinonetsa pachinhambo chekushora vari kuedza kugadzirisa zvinhu.
Your browser doesn’t support HTML5
Hurukuro naVaHerbert Gomba