Chikwata cheRugby chemaSables chatarisana nenguva yakaoma panguva iyi makundano enhabvu eZimbabwe National Army Charity Shield asvika kamvura yacheka makumbo.
Mitambo iri kupfuungaudza utsi mangwana muPolice Rugby Grounds apo hupenyu hwemaSables hwakamira netambo kunze kwekunge vatorova Uganda mumutambo wavo wechipiri weAfrica Cup Division 1A.
MaSables akadamburwa pavo panenge papera sezvo vanenga vakoromoka kuenda kuAfrica Cup Divisionj 1B uyezve nekutadza krkutanga mumakore makumi matatu nematanhatu apfuura kukwikwidza mumakundano ekuenda kuWorld Cup.
Chikwata chemaSables chakazviomesera apo chakarohwa 61-15 neKenya pamusha mumutambo wavo wekutanga.
Asi Zimbabwe ikakunda Uganda inoenda pachinhanho chechitatu yasara nemutambo mumwechete nechikwata chine mukombe uyu cheNamibia musi wa 6 Nyamavhuvhu.
Murairidzi wechikwata ichi Cyprien Mandenge anoti gadziriro yavo yanga iri nani ikozvino zvekuti arikutarisira kuti chikwata chake chirikukunda zvine mutsindo
Asi Mangende anofanira kuyambirwa kuti arimunjodzi yekuve murairidzi wekutanga kutadzisa chikwata chemaSables kutamba mumaWorld Cup qualifiers.
Zvakamira zvakadai. Makundano eZimbabwe National Army Charities Shield arikusvika kwamvura yacheka makumbo apo chikwata cheHighlanders neche Harare City zvirikurwira mari inoita iyo zviuru gumi nezviviri ichapihwa vachakunda muBabourfields Stadium nesvondo.
Murairidzi weHarare City Moses Chunga ari kuti haasi kutarisa kuti Highlanders ndiyo iri pamusoro petafura yeCastle Lager Premier Soccer League achiti iye mitambo yakadai haineyi nenhoroondo.
Mumwe mutsigiri wenhabvu vaZacks Makombe vanoti vakatarisawo mamiriro anga achiita mitambo yakadai zvikwata zvanga zvisingatasirwe ndizvo zvanga zvichibuda nemikombe.
Asi muongorori wenhabvu VaShepherd Muchapera vanoti Chunga anotaurisa pasina chinobuda munhandare zvekuti anofanira kuratidza hunyanzvi hwake kuBabourfields.
Kunyange havo vasingafarire Highlanders asi vari veDynamos VaStephen Mushaninga vanoti maSunshine City Boys anenge atamba zvakaoma akadzoka kuHarare arohwa nezvibodzwa zvisingadarike zviviri.
Your browser doesn’t support HTML5
Nyaya Ina Michael Kariati