Gakava pakati pemapato anopikisa, eMDC-T, inotungamirirwa naVaDouglas Mwonzora, neMDC Alliance, inotingamirirwa naVaNelson Chamisa, ririkuenderera mberi, mapato aya achikandirana makobvu nematete.
Bato reMDC Alliance rinoti bato reMDC-T riri kubatsira bato ririkutonga, reZanu-PF, mukuvhiringa basa ririkuitwa nenhengo dzaro dzeparamende nemakanzuru dzakasarudzwa nevanhu.
Mutevedzeri wemutauriri weMDC Alliance, VaClifford Hlatywayo, vanoti kudzingwa kuri kuitwa vamiriri vebato ravo mumakanzuru nemuparamende kune chinangwa chekuti vanhu veruzhinji vaone sekuti MDC Alliance haigoni basa, sezvo vamiriri vanofanirwa kuita basa iri vadzingwa uye vasisakwanisi kushandira vanhu vakavasarudza.
Vanoti izvi zvinobatsira bato reZanu-PF sezvo richiedza kuvharidzira kutadza kwaro basa sezvinoonekwa mukuvhiringa vamiriri vanoferefeta mashandisirwo arikuitwa mari nehurumende, saVaTendai Biti.
Your browser doesn’t support HTML5
Hurukuro naVaClifford Hlatywayo
Asi mutauriri wemutungamiri weMDC-T, VaLloyd Damba, vakaudza Studio 7 kuti vanhu vanozviti MDC Alliance vaifanirwa kutevedzera mutemo kubva pekutanga. VaDamba vanoti bato ravo riri kudzinga vanhu vakari pandukira.
Your browser doesn’t support HTML5
Hurukuro naVaLloyd Damba