WASHINGTON D.C. —
Mutungamiri weMDC, VaChamisa vatumira mashoko avo ekunyaradza kumhuri yemuimbi aive nemukurumbira pasi rose, Oliver Mtukudzi, uyo akashaya neChitatu kuchipatara cheAvenues Clinic muHarare.
VaChamisa vanoti kunyangwe hurumende yeZimbabwe ikasapa Mtukudzi chiremera chegamba renyika, vakawanda munyika vanomuona segamba nekuda kwemabasa aakabata mukuimba kwake pamwe nekuchengetedza tsika nemagariro.
Ukuwo, mutungamiri wenyika VaEmmerson Mnangagwa neChitatu vakatumirawo mashoko enyaradzo kumhuri yaMtukudzi vachiti nyika yarasikirwa nemunhu ainge asimudza mureza wenyika uye aive nemukurumbira pasi rose.
Tuku akashaya ave nemakore makumi matanhatu nematanhatu ekuberekwa.
Your browser doesn’t support HTML5
Hurukuro naVaNelson Chamisa