MDC inotungamirwa naVaNelson Chamisa yaratidzira muNew York uko kuri kuitirwa musangano weUnited Nations General Assembly, UNGA.
Sachigaro weMDC USA, VaZvidzai Ruzvidzo, vanoti chinangwa chekuratidzira kwavo change chiri chekuudza pasi rose kuti zvinhu hazvina kumira zvakanaka kuZimbabwe.
Zvidzai Ruzvidzo
VaRuzvidzo vanoti sekuziva kwavo, sarudzo yemutungamiri wenyika yakahwinhwa naVaChamisa kunyange hazvo Zimbabwe Electoral Commission pamwe nedare reConstitutional Court zvakati VaMnangagwa ndivo vakanga vakunda.
VaRuzvidzo vanoti vatsigiri veMDC vabva kumatunhu akasiyana siyana muAmerica kuitira kuti vabatane mukuratidzira uku muNew York.
Kuratidzira uku kunoitika VaMnangagwa vadzokera kumusha zvichitevera kutaura kwavakaita pamberi peUNGA kekutanga semutungamiri wenyika nemusi weChitatu.
Your browser doesn’t support HTML5
Hurukuro naVaZvidzai Ruzvidzo