Nyanzvi yezvekurima uye vari munyori mukuru wesangano rinomirira varimisi, reZimbabwe Agricultural Professionals and Technical Association, VaZivaishe Zhou, vari kuyambira varimi kuti vangwarire zvirwere zvinobata mombe dzavo munguva ino yekunaya.
VaZhou vanoti kune zvirwere zvakawanda zvinobata mombe munguva yekunaya, asi chirwere chavari kunyanya kutarisa nezvacho muhurukuro yedu ndechiya chinonzi January Disease, icho vanoti chinokonzerwa nezvikwekwe zvidukuduku zvinonyanyowanikwa munzeve dzemombe.
Vanoti kune mishonga yakasiyanasiyana inobatsira kuwrisana nechirwere ichi, uyevo murimi anogona kudzivirira mombe dzake kuti dzisabatwa nechirwere ichi kuburikidza nekudzidhibhisa, kudzimwaya mushonga pamusana kana kudzibaya.
Asi VaZhou vanokurudzira varimi kuti vashandise hunyanzvi hwevarimisi kana madhumeni vari munharaunda dzavo kuitira kuti vabatsirwe nekukasika.
Your browser doesn’t support HTML5
Hurukuro naVaZivaishe Zhou
Your browser doesn’t support HTML5
Hurukuro naVaZivaishe Zhou