WASHINGTON D.C. —
Sangano re Zimbabwe Peace Project, ZPP, rinoti kutyorwa kwekodzero dzevanhu munyika kwakadzikira mumwedzi wa Mbudzi, panguva iyo kurwisana mubato reZanu PF kwaitsviriridza.
Sachigaro weZPP, VaOkay Machisa, vanoti kunyange hazvo kupindira kwakaitwa nemauto kwakadzikisa kutyorwa kwekodzero dzevanhu zvakanyanya, shuviro yavo ndeyekuona mauto achidzokera kunogara kubharaki awo.
VaMachisa vanotiwo huwandu hwevanhu vakamhang'ara vachiti vakanga vasiri kubatwa zvakanaka nemauto hwakakwirira.
Vati ongororo yavakaita inoratidza kuti mapurisa aityora kodzero dzevanhu zvikuru mauto asati apindira.
Your browser doesn’t support HTML5
Hurukuro naVa Okay Machisa