Dzimwe nyanzvi munezvematongerwo enyika dzinoti Zimbabwe yatangidza gore dzva ra2021 ichirwisana nezvinhu zvisina maturo, ichisiya zvinhu zvine basa zvinobatsira vanhu.
Nyanzvi mune zvematongerwo enyika, VaRejoice Ngwenya, vanoti pachinhambo chekuwedzera simba rekurwisana ne ‘coronavirus’, hurumende yapinda mugoredzva isina zvinangwa zvinobatsira vanhu.
VaNgwenya vanoti nyika haiendereri mberi kana hurumende ichingoita basa rekutandanisana nekusunga vatori venhau, vemapato anokwikwidza pamwe chete nevanorwira kodzero dzevanhu, vachiti hurumende inofanira kutora vanhu semadzisahwira mukusimudzira nyika kwete kupedza nguva ichisunga vanhu nekukurudzira kuumbwa kwemapato anopikisa enhema vanhu vachida rubatsiro.
Your browser doesn’t support HTML5
Hurukuro naVaRejoice Ngwenya
Asi vanoona nezvekufambiswa kwemashoko mubato riri kutonga, reZanu-PF, VaTafadzwa Mugwadi, vanoti Covid-19 haimisi kusungwa kwevanhu vanotyora mitemo.
Your browser doesn’t support HTML5
Hurukuro naVaTafadzwa Mugwadi