Mumwe wevatevedzeri wevatungamiri venyika, VaKembo Mohadi, vari kutarisirwa kumiswa pamberi pekomiti yeparamende inoona nezvezvicherwa pamwe nemhando dzemoto, vachibvunzwa nezvavanoziva nezvemari inoita mabhiriyoni gumi nemashanu emadhora inonzi yakabva mukutengeswa kwemangoda, yakatsakatika.
Sachigaro wekomiti yeparamende iyi, VaTemba Mliswa, vanoti komiti yavo ichange ichibvunza mibvunzo kuna VaMohadi pamwechete nemamwe makurukota pamusoro penyaya iyi.
Vanotizve pari zvino vaunganidza humbowo hwakawanda uye kana vapedza kutaura naVaMohadi, vachagara pasi nekomiti yavo kuti vatenderane zuva rinofanirwa kushevedzwa vaimbove mutungamiri wenyika, VaRobert Mugabe kuti vamirewo pamberi pekomiti iyi.
VaMugabe ndivo vakasimudza nyaya yekutsakatika kwemari iyi muna 2016, izvo zvakashamisa vanhu vakawanda kuti mari ine huwandu hwakadaro ingangonzi yashaikwa.
Your browser doesn’t support HTML5
Hurukuro naVaTemba Mliswa