Bato reZanu PF rinoti harisi kuzoshaiswa hope nedanho ratorwa nemubatanidzwa weMDC Alliance rekuenda kudare repamusorosoro uchipikisa zvakabuda musarudzo yemutungamiri wenyika.
Zanu PF inoti ikodzero dzemunhu wese muZimbabwe kuenda kumatare edzimhosva achipikisa zvakabuda musarudzo.
Munyori anoona nezvemutemo muZanu PF, VaMunyaradzi Paul Mangwana, vanoti kunyange hazvo bato ravo ranga risati ratambira magwaro eMDC Alliance ekumatare, vakagadzirira zvakasimba kusangana kumatare edzimhosva.
Mubatanidzwa weMDC Alliance uri kuda kuti dare rirase zvakaziviswa neZimbabwe Electoral Commission zvekuti vaimirira Zanu PF musarudzo iyi, VaEmmerson Mnangagwa, ndivo vakakunda, rodoma vaimirira mubatanidzwa uyu musarudzo, VaNelson Chamisa, semunhu akakunda.
Your browser doesn’t support HTML5
Hurukuro naVaMunyaradzi Paul Mangwana