Vaimbova mumiriri weZanu-PF mudare reparamende kuRushinga, VaWonder Mashange, avo vakadzingwa mubato iri mukupera kwegore rapera vachinzi vainge vari muchikwata cheG40 chaitsigira vaimbova mudzimai wemutungamiri wenyika Amai Grace Mugabe, vanoti vakadzingwa papurazi ravo rePabwino Farm kuBindura zvisiri pamutemo.
VaMashange vange vachinetsana zvikuru naVaTinashe Matangira, vanove mwana wenhengo yedare reparamende inomirira Zanu-PF kuBindura South VaRemigious Matangira.
VaMashange vanotiwo nyaya yekudzingwa iyi yakawedzerwa nekuda kwekupindira kwegurukota rezveminda VaPerrance Shiri.
Hatina kukwanisa kubata VaShiri kana VaTinashe Matangira kuti tinzwewo mativi avo sezvo vange vasiri kudaira nharembozha dzavo.
Your browser doesn’t support HTML5
Hurukuro naVaWonder Mashange