Mutungamiri wenyika, VaEmmerson Mnangagwa, vanoti nhasi izuva rekutenda Mwari.
Vachizivisa nezvezuva iri nezuro, VaMnangagwa vakati vakakoka vanhu vemuZimbabwe gore rapera kuti vabatane navo nevakuru vemakereke vachiita minamato nekutsanyira nyika.
VaMnangagwa vakati senzira yekutenda zvakaitirwa nyika naMwari, vari kukoka rwendo rwuno vana vese veZimbabwe kuti vapinde mumusangano wekutenda Mwari uchaitirwa kuState House nenguva dza 10 mangwanani anhasi kusvika nguva ya 1 masikati.
VaMnangagwa vakati veruzhinji vanokwanisa kushandisa madandemutande eFacebook, Twitter, terevhizheni pamwe nemarhedhiyo kuti vanzwe zvinenge zvichiitika.
Mukuru anoona nezvekuburitswa kwemashoko muZanu PF, VaTafadzwa Mugwadi, vanoti zviri kuitika izvi zvinoratidza kuti VaMnangagwa munhu anoremekedza Mwari uye anoshanda nevezvitendero zvakasiyana siyana.
Your browser doesn’t support HTML5
Hurukuro naVaTafadzwa Mugwadi
Asi sachigaro veMDC Alliance mudunhu reNorth America, VaTawanda Dzvokora, vanoti kunyange hazvo kunamata kusina kuipa, marongerwo azvaita anoratidza kuti Zanu PF yapererwa nemazano.
Your browser doesn’t support HTML5
Hurukuro naVaTawanda Dzvokora