Sangano reInstitute for Public Relations And Communication Zimbabwe (IPRCZ) rinoti nhengo dzaro dziri kunetswa nevamwe vatori venhau vari kuda kubhadharwa mari yechiokomuhomwe kuti vasanyora zvinhu zvisina kunaka pamusoro pemakambani avanoshandira.
Pamusangano uri kuitwa paTroutbeck Inn, kuNyanga, mutevedzeri wemutungamiri weIPRCZ, VaJoel Gombera, vakaudza musangano uyu nezuro kuti vanoshanda muPublic Relations vari kunetswa nevamwe vatori venhau vanoda kupiwa chiokomuhomwe kuti varege kunyora zvimwe zvakaipa pamusoro pemakambani avanoshandira.
Bepanhau reManica Post rinoti, mutevedzeri wegurukota rezvekuburitswa kwemashoko, VaKindness Paradza, vakakurudzira nhengo dzeIPRCZ nemakambani avanoshandira kuti vasabhadhara mari yechiokomuhomwe, vachiti hurumende inoziva zvirikuitika uye irikuita zvose zvainogona kugadzirisa zvunhu mumakambani anotapa nhau.
Sachigaro weMISA Zimbabwe, VaGolden Maunganidze, vaudza Studio 7 kuti vatori venhau vanonzi vanoda mari yechiwokomuhomwe vanofanirwa kumhangarirwa kumapurisa kuti vatongwe zvakaomarara.
Your browser doesn’t support HTML5
Hurukuro naVaGolden Maunganidze