Sachigaro veZimbabwe Electoral Commission, ZEC, Amai Priscilla Chigumba, vari kutungamira chikwata chine vamiriri vemapato ane nhengo mudare reparamende chiri kushanya kuSouth Africa kunodzidza nezvemafambisirwo esarudzo kubva kusangano rinoona nezvesarudzo munyika iyi reIndependent Electoral Commission of South Africa.
South Africa iri kugadzirira sarudzo dzayo idzo dzichaitwa musi wa 8 Chivabvu gore rino.
Vari kumirira mapato avo vari muchikwata ichi vanoti munyori mukuru weMDC inotungamirwa naVaNelson Chamisa, VaDouglas Mwonzora; munyori wezvemitemo muZanu PF, VaMunyaradzi Paul Mangwana; mutevedzeri wemutungamiri weMDC inotungamirwa naMuzvare Thokozani Khupe, VaObert Gutu; VaMasango Matambanadzo vebato re National Patriotic Front, VaTemba Mliswa avo vakazvimirira, pamwe nemamwe makomishina eZEC anoti VaQhubani Moyo naVa Utoile Silaigwana.
VaGutu vanoti chikwata chavo chadzidza zvakawanda kwazvo kubva kukomisheni yesarudzo yemu South Africa iyi mumazuva maviri avari munyika iyi. Zimbabwe inotarisira kuzoita sarudzo dzayo muna 2013.
Your browser doesn’t support HTML5
Hurukuro naVaObert Gutu