WASHINGTON D.C. —
Munyori mukuru weZimbabwe Council of Churches, Reverend Doctor Kenneth Mtata, vari kushanya muWashington D.C., zvichitevera kukokwa kwavo nebazi reAmerica rinoona nezvekudyidzana nedzimwe nyika.
Reverend Mtata vanoti hurumende yeAmerica inoda kubatsira Zimbabwe zvikuru, naizvozvo inoda kuziva nekunzwisisa basa riri kuitwa nevemakereke munyika vakanangana nenhaurirano dzekuunza kugadzikana munyika, pamwe nemamwe mabasa.
Munyika pari zvino mune nhaurirano dziri kuitwa, dzichikokerwa nevemakereke, uye nemutungamiri wenyika, VaEmmerson Mnangagwa, idzo dzakanangana nekugadzirisa gakava riripo mune zvematongerwo enyika pakati paVaMnangagwa nemutungamiri weMDC, VaNelson Chamisa.
Your browser doesn’t support HTML5
Hurukuro naReverend Kenneth Mtata