Sangano reWomen’s Academy for Leadership and Political Excellence (WALPE), rinoti kunyange hazvo richifara nezvakaitwa nehurongwa hwekuchengetera vechidzimai zvimwe zvigaro mune zvematongerwo enyika, kana kuti ‘Proportional Representation’, sangano iri rinoda kuona vanhurume nevanhukadzi vachiita hafu hafu, kana kuti 50/50 mune zvese.
Mukuru wesangano iri, Muzvare Sithabile Moyo, vaudza Studio 7 kuti chavarikuda hakusi kuenzaniswa kwevanhukadzi nevanhurume badzi asi kuti, sezvo vanhukadzi vari ivo vazhinji kunyange pakuvhota, vanhukadzi vabate zvinzvimbo zvizhinji kupfuura vanhurume.
Muzvare Moyo vanoti yave nguva yekutarisa mberi uye kuti vanhu vechikadzi vabatwe nenzira iri mubumbiro remutemo.
Your browser doesn’t support HTML5
Hurukuro naMuzvare Sithabile Moyo