Zimbabwe iri kuita musangano mukuru wemhuka dzemusango we Africa Wildlife Economy Summit kuVictoria Falls kutanga musi wa23 kusvika 25 Chikumi.
Musangano uyu uri kukokerwa neUnited Nations neAfrican Union. Mutungamiri wenyika VaEmmerson Mnangagwa ndivo vari kutarisirwa kuparura musangano uyu zviri pamutemo.
Gurukota rinoona nezvezviwanikwa Amai Priscah Mupfumira vaudza Studio 7 kuti nyika dzinosvika makumi matatu dziri kutarisirwa kupinda mumusangano uyu.
Amai Mupfumira vanoti Zimbabwe iri kudawo kuti ibvumidzwe kutengesa nyanga dzenzou vachiti dzawandisa.
Asi dzimwe nyika dziri kutsika madziro dzichiti kutengesa nyanga idzi kunozopa vanovhima zvisiri pamutemo kuti vatoita madiro aJojina sezvo vanenge vaine musika wekutengesa nyanga idzi.
Your browser doesn’t support HTML5
Hurukuro naAmai Prisca Mupfumira