Gurukota rinoona nezvevechidiki nekuendeswa kwehupfumi kuvatema, VaPatrick Zhuwao, vanoti vari kuda kumutsiridza chirongwa cheNational Youth Service izvo zvakonzera mutauro wakanyanya munyika.
Mapato anopikisa akaita seMDC ne People’s Democratic Party anoti VaZhuwao vanoda kuzoshandisa vechidiki ava kumbunyikidza vanopikisa munguva yesarudzo.
Your browser doesn’t support HTML5
Hurukuro naVaDewa Mavhinga
Masangano anorwira kodzero dzevanhu agara achigunun’unawo nechirongwa cheNational Youth Service achiti chinoshandiswa nebato reZanu-PF mukutyora kodzero dzevanhu.
Asi vachitaura neChipiri muHarare mushure mekupedza musangano nevesangano reNational Youth Service Association, VaZhuwao vakati pane vechidiki vanotosvika zviuru makumi masere vanogona kuunganidzwa voshandiswa mukumutsiridza hupfumi hwenyika.
Asi gweta vari chipangamazano musangano reHuman rights Watch, VaDewa Mavhinga, vanoti zvoitwa naVaZhuwao zvinotyisa uye zvakanangana nekuda kutyisidzira vanhu musarudzo dza2018.